kimaya narayan
Bollywood Entertainment News : अजय देवगण आणि अक्षय कुमारची भूमिका असलेला सिंघम अगेन सिनेमा बॉक्स ऑफिसवर जोरदार सुरु आहे. या सिनेमाने आतापर्यंत 85 करोड रुपयांचा बिझनेस फक्त दोन दिवसात कमावला आहे. लवकरच हा सिनेमा 100 करोड रुपयांची कमाईचा पल्ला गाठणार आहे. प्रेक्षक हा अक्शनने पुरेपूर असलेला हा सिनेमा एन्जॉय करत आहेत आणि लवकरच हा सिनेमा ओटीटी प्लॅटफॉर्मवरही रिलीज होणार आहे. कोणत्या ओटीटी प्लॅटफॉर्मवर हा सिनेमा रिलीज होणार जाणून घेऊया.
रामायणातील कथेचा आधार घेत दिग्दर्शक रोहित शेट्टीने या सिनेमात आधुनिक रामायण साकारण्याचा प्रयत्न केला आहे. सकारात्मकता कायमच वाईट शक्तींवर मात करते असा संदेश या सिनेमातून देण्यात आला आहे. सिंघम त्याच्या टीमबरोबर त्याच्या पत्नीला दहशतवाद्यांच्या तावडीतून कसा सोडवतो याची गोष्ट या सिनेमात पाहायला मिळणार आहे.
अजय देवगन, दीपिका पदुकोण, अक्षय कुमार, टायगर श्रॉफ, जॅकी श्रॉफ, रणवीर सिंह, करीना कपूर खान, विकी कौशल, जॅकी दयानंद शेट्टी, श्वेता तिवारी आणि वीरेन वझिरानी यांच्या मुख्य भूमिका आहेत. तर सिनेमाच्या शेवटी सलमान चुलबूल पांडेच्या रूपात घेत असलेली एंट्री यामुळे प्रेक्षकही खुश झाले आहेत. या सिनेमाचं बजेट 375 करोड रुपये आहे. रोहित बरोबरच अजय देवगन आणि ज्योती देशपांडे यांनी या सिनेमाची निर्मिती केली आहे.
अमेझॉन प्राईमने या सिनेमाचे डिजिटल अधिकार घेतले आहेत. हा सिनेमा लवकरच अमेझॉनवर प्रदर्शित केला जाईल अशी चर्चा आहे. स्त्री 2 प्रमाणेच हा सिनेमा आधी भाडेतत्वावर आधारित असेल नंतर हा मोफत पाहता येईल अशी चर्चा आहे. काही रिपोर्ट्सनुसार डिसेंबर महिन्याच्या अखेरीस किंवा जानेवारी महिन्यात नवीन वर्षाच्या दिवशी हा सिनेमा रिलीज होईल असा अंदाज आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.