सकाळ डिजिटल टीम
भारतीय टेबल टेनिस स्टार मनिका बत्रा (Manika Batra) खेळाच्या पलीकडंही तिच्या ग्लॅमरस लूकमुळं सोशल मीडियावर वर्चस्व गाजवत आहे. कॉमनवेल्थ स्पर्धेतील सुवर्णपदक विजेती मनिका बत्रा आता जाहिरात विश्वातही मोठी झेप घेतलीय.
दक्षिण आशियाई क्रीडा स्पर्धेतील चॅम्पियन मनिका बत्राला Adidas नं ब्रँड अॅम्बेसेडर म्हणून नियुक्त केलंय. यासाठी मनिकानं तिचे ग्लॅमरस फोटोशूटही करून घेतलंय.
Adidas Brand अॅम्बेसेडरच्या यादीत मनिका बत्रा व्यतिरिक्त अनेक स्टार खेळाडू आहेत. यामध्ये वेटलिफ्टर मीराबाई चानू, बॉक्सर लवलीन बोरगोहेन, धावपटू हिमा दास आणि बॉक्सर निखत जरीन यासारख्या स्टार महिला खेळाडूंचा समावेश आहे.
Adidas नं सांगितलं की, 'मनिका बत्रासोबतची आमची भागीदारी महिलांचं सक्षमीकरण करण्याचा उद्देश आहे. भारतीय महिलांना त्यांची स्वप्नं साकार करण्यासाठी आणि त्यांना जगभरातील क्रीडा क्षेत्रात अधिक उंचीवर नेण्यासाठी आमचा प्रयत्न असणार आहे.'
2018 च्या राष्ट्रकुल स्पर्धेत मनिका बत्रानं दोन सुवर्णपदक जिंकली होती. त्यानंतर तिनं महिला सांघिक स्पर्धेत एक पदक जिंकलं, तर याच स्पर्धेत मनिकानं दुहेरीत रौप्य आणि कांस्यपदक पटकावलं.
मनिका बत्राला 2020 मध्ये मेजर ध्यानचंद खेलरत्न पुरस्कारानं सन्मानित करण्यात आलंय. याशिवाय, 2 वर्षांपूर्वी म्हणजेच, 2018 मध्ये मनिकाला अर्जुन पुरस्कारानंही सन्मान करण्यात आलंय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.