निवृत्तीनंतरही देशसेवेचे व्रत घेणारा सैनिक; जनतेच्या सेवेस सज्ज

सैन्यात भरती झाल्यापासून निवृत्तीपर्यंत सैनिकांची अखंड देशसेवा सुरूच असते. निवृत्तीनंतरही त्यांच्या जगण्यातील शिस्त मोडत नाही. अश्याच कोल्हापुरील सैनिकाची कहाणी

देशाच्या सीमा रक्षणासाठी बंदूक घेऊन उभा राहणारे कोल्हापुर गिरगाव (ता. करवीर) मधील पांडुरंग कोंडिबा सरनाईक हे निवृत्तीनंतरही सुरक्षारक्षक म्हणून जनतेच्या सेवेला उभे आहेत.

सरनाईक यांनी वीस वर्षे सैन्यात सेवा बजावली. त्यापैकी तब्बल बारा वर्षे श्रीनगरमध्ये सेवा केली.

नागपूर, बेळगाव मराठा लाईट इन्फंट्रीमध्ये सेवा बजावताना त्यांनी २०१४ मध्ये हवालदार पदावरून निवृत्ती घेतली.

निवृत्तीनंतर सरनाईक यांनी पुन्हा बंदूक खांद्याला लावून पंजाब सिंध बँकेत सुरक्षारक्षक म्हणून जनतेच्या सेवेसाठी उभे राहण्याचा निर्णय घेतला.

जनावरांसाठी सकाळी वैरण आणणे, काळ्या आईची सेवा करण, कुटुंब-मित्रपरिवारांसोबत ते निवृत्तीनंतरचा वेळ घालवत आहेत.

मात्र निवृत्तीनंतरही त्यांनी बंदूक सोडली नाही. अखंडपणे देशाची सेवा करण्याचे त्यांनी व्रत घेतले आहे.

कुटुंबासोबत एकत्र राहण्याचा आनंद ते आता घेत आहेत.