पियो ग्लासफुल सूप...

थंडी सुरू झाल्यावर काहीतरी गरम प्यावेसे वाटते. या काळात भाज्या मुबलक आणि ताज्या मिळतात. त्यामुळे या काळात वेगवेगळ्या भाज्यांचे सूप प्यायला अनेकजण पसंती देतात.

टोमॅटो सूप- ऑल टाईम फेवरेट म्हणून हे सूप कुठल्याही सिझनला पिता येते. पण थंडीत हे सुप पिण्याची मजा वेगळीच आहे.

गाजर सूप- थंडीत गाजर अतिशय छान येतात. या गाजरामध्ये थोडा भोपळा, टोमॅटो घालून सूप करता येते.

लेमन कोरिएंडर सूप- थंडीत कोथिंबीर अतिशय चांगली आणि ताजी असते. या कोथिंबीरीत भाज्या आणि लिंबू एकत्र करून हे सूप करता येते.

पालक सूप- पालकही या काळात ताजा मिळतो. त्याचे सूप अतिशय चविष्ट लागते.

बिटाचे सूप- बीटात गाजर घालून केलेले हे सूप पौष्टीक आणि चविष्ट लागते.

मशरूम सूप- मशरूमही या काळात ताजे मिळतात. मशरूम आणि क्रिम एकत्र करून केलेले हे सूप अनेकांना आवडते.

मिक्स व्हेज सूप- भाज्या आणि स्वीट कॉर्न घालून केलेले हे सूप लहान मुलंनाही खूप आवडते.