Anuradha Vipat
विधानसभा निवडणुकीसाठी मतदान करायला गेलेल्या अक्षय कुमारसोबत एक अजब किस्सा घडला आहे.
अचानक एक वृद्ध व्यक्तीने अक्षयला अडवून थेट शौचालयाची तक्रार करण्यास सुरुवात केली आहे.
आता अक्षय कुमार आणि त्या वृद्ध व्यक्तीच्या संभाषणाचा व्हिडिओ सोशल मीडियावर व्हायरल होत आहे.
ट्विंकल खन्नाने जुहू बीचचा फोटो पोस्ट करत उघड्यावर शौचास जाणाऱ्या लोकांकडे लक्ष वेधले होते.
त्यानंतर २०१८ मध्ये अक्षय कुमारने शिवसेना नेते आदित्य ठाकरे यांच्यासोबत मिळून जुहू आणि वर्सोवा समुद्र किनाऱ्यावर १० लाख रुपये किमतीचे बायो टॉयलेट बसवले होते.
अक्षय कुमारच्या या कामाचे खूप कौतुकही झाले होते.
आता तेच टॉयलेट खराब झाल्याचे या वृद्धाने त्याच्या लक्षात आणून दिले आहे.