Amit Ujagare (अमित उजागरे)
आधार कार्ड हे आता सर्वच नागरिकांसाठी बंधनकारक बनलं आहे. विविध योजनांचे लाभ घ्यायचे असतील तर तुमच्याकडं आधार क्रमांक आवश्यक आहे.
लहान मुलांना देखील आधार कार्ड काढणं गरजेचं आहे. कारण त्यांना वैद्यकीय सेवेसाठी किंवा शाळेतील प्रवेशांसाठी हा आधार क्रमांक गरजेचा असतो.
सर्वसाधारपणे नवं आधार कार्ड काढण्यासाठी किंवा जुनं कार्ड अपडेट करण्यासाठी शासनानं विशिष्ट रक्कमेची फी निश्चित केलेली आहे.
पण जर लहान मुलांचं आधार कार्ड काढायचं किंवा ते अपडेट करायचं असेल तर फी असते का? याबाबत जाणून घेऊयात.
आधार कार्ड काढताना लहान मुलांचे बायोमेट्रिक्स, फिंगरप्रिंट्स, डोळ्यांचे स्कॅन आणि फोटो अपडेट करण्यासाठी फी नसते. पण याची ठराविक वयोमर्यादा आहे.
आधार अर्थात UIDAI च्या ६ फेब्रुवारी २०२३ च्या नव्या नियमानुसार, ५ ते ७ वयाच्या मुलांसाठी फक्त पहिल्या वेळेस फी नसते.
तसंच १५ ते १७ वयाच्या मुलांसाठी जर आधार कार्ड एकदाच अपडेट करायचं असेल तर फी नसते. त्यानंतर मात्र १०० रुपये फी भारावी लागते.
डेमोग्राफीक अपडेटसाठी म्हणजेच जर मुलांच्या नावात, लिंग, जन्म तारीख, पत्ता, मोबाईल क्रमांक किंवा ईमेल यामध्ये सुरुवातीलाच बदल केला तर त्याची वेगळी फी नसते. पण जर हे स्वतंत्ररित्या अपडेट केलं तर यासाठी ५० रुपये इतकी फी असते.