रोहित कणसे
पॅन इंडियाची स्टार तमन्ना भाटिया सध्या अनेक हिट चित्रपटांत तिच्या अभिनयामुळे चर्चेत आहे.
तमन्नाकडे अभिनयासोबतच उत्तम नृत्यकौशल्यही आहे. ‘स्त्री २’ याचित्रपटामध्ये तिचे हे कौशल्य प्रेक्षकांना पाहायला मिळणार आहे.
स्त्री २ या चित्रपटातील तमन्ना हिच्या नुकत्याच प्रदर्शित झालेल्या आज की रात या गाण्याला प्रेक्षकांची तुफान पसंती मिळत आहे.
या गाण्याबद्दल नृत्यदिग्दर्शक विजय गांगुली यांनी नुकत्याच एका मुलाखतीत खुलासा केला आहे. त्यानी सांगितलं की तमन्नाच्या वाढदिवशी पाच डिग्री सेल्सिअस तापमानात या गाण्याचे चित्रीकरण करण्यात आले होते.
तमन्ना या गाण्याबद्दल म्हणाली, हे गाणे पाच डिग्री सेल्सिअस तापमानात शूट करण्यात आले. हे खूपच आव्हानात्मक होते; पण खूप मजा आली.
माझ्या वाढदिवशी या गाण्याचे चित्रीकरण झाल्याने ते माझ्यासाठी खूप खास आहे. या गाण्याला प्रेक्षकांचा चांगला प्रतिसाद मिळत असल्याचा खूपच आनंद होत आहे असंही तमन्नाने सांगितले.
तमन्नाचा ‘स्त्री २’ व्यतिरिक्त आगामी तेलगू चित्रपट ‘ओडेला २’ लवकरच प्रदर्शित होणार आहे.
याशिवाय तमन्नाकडे ‘वेद’ आणि एक ओटीटी प्रोजेक्ट ‘डेअरिंग पार्टनर्स’ हे हिंदी चित्रपटदेखील आहेत.
लग्नाबद्दल बोलताना दिसली जान्हवी कपूर?