सकाळ डिजिटल टीम
अभिनेत्री ऐश्वर्या रायचे फॅन फॉलोअर्स देशातच नाही तर परदेशातही आहेत.
मिस वर्ल्ड ऐश्वर्या राय तिच्या सौंदर्यामुळं चाहत्यांमध्ये नेहमीच चर्चेत असते. केवळ चाहतेच नाही, तर बॉलिवूडचे स्टार सेलेब्सही तिच्या सौंदर्यावर फिदा आहेत.
त्यापैकीच एक म्हणजे अभिनेता संजय दत्त. तो ऐश्वर्या रायचा चाहता आहे.
संजय दत्तने एका प्रसिद्ध संस्थेला दिलेल्या मुलाखतीत सांगितलं होतं की, 'मी ऐश्वर्या रायला ओळखतही नव्हतो. मी ऐश्वर्याला पहिल्यांदा पेप्सीच्या जाहिरातीत पाहिलं होतं.
त्यानंतर 1993 मध्ये एका मॅगझिन फोटोशूटदरम्यान संजय दत्त तिला भेटला.
संजय दत्त पुढे म्हणाला, जेव्हा मी ऐश्वर्याला पहिल्यांदा पाहिलं, तेव्हा माझी पहिली प्रतिक्रिया होती ही सुंदर महिला कोण आहे? त्यावेळी संजय दत्तनं ऐश्वर्याबाबत एक खास सल्लाही दिला होता.
संजय दत्तनं अभिनेत्रीला सांगितलं होतं, की ऐश्वर्यानं तिचं मॉडेलिंग करिअर सुरू ठेवावं आणि तिला फिल्म इंडस्ट्रीपासून दूर राहण्याचा सल्लाही दिला होता.
यामागचं कारण सांगताना संजय दत्त म्हणाला, 'चित्रपटसृष्टीत लोक लवकर बदलतात. या सिनेसृष्टीत काम करण्यासाठी लोकांना लवकर परिपक्व व्हावं लागतं आणि त्यांचा निरागसपणा देखील गमावला जातो.'