सकाळ डिजिटल टीम
टीव्ही इंडस्ट्रीत बालकलाकार म्हणून करिअरची सुरुवात करणारी अभिनेत्री जन्नत जुबेरला (Actress Jannat Zubair) आज कोणत्याही ओळखीची गरज नाही. कारण, तिने अगदी लहान वयातच मोठं यश संपादन केलंय.
अभिनेत्री जन्नत जुबेरनं वयाच्या 7 व्या वर्षी अभिनयाच्या दुनियेत प्रवेश केला होता आणि आता ती सोशल मीडियावर तिचे फोटो आणि व्हिडिओंद्वारे सर्व चाहत्यांचे लक्ष वेधून घेत आहे.
जन्नत सोशल मीडियावर खूपच सक्रिय आहे. तिला लाखो लोक इन्स्टाग्रामवर फॉलो करतात. इतकंच नाही, तर या अभिनेत्रीनं फॅन फॉलोइंगच्या बाबतीत किंग खान म्हणजेच शाहरुख खानसह बॉलिवूडच्या टॉप अभिनेत्रीनाही मागं टाकलंय.
अभिनेत्री जन्नतला 49.2 मिलियन लोक फॉलो करतात. तर, किंग खानचे इंस्टाग्रामवर 46.5 मिलियन फॉलोअर्स आहेत. जन्नतनं यात ऐश्वर्या राय आणि करिना कपूरलाही मागं टाकलं आहे.
ऐश्वर्याला इन्स्टावर 13.7 दशलक्ष आणि करिना कपूरला 12 दशलक्ष लोक फॉलो करतात. मीडिया रिपोर्ट्सनुसार, जन्नत जुबेर महिन्याला 25 लाख रुपये कमावते. तिची एकूण संपत्ती 25 कोटी आहे.
जन्नतची पहिली डेब्यू मालिका 'चांद के पार चलो' ही होती. यानंतर ती 'दिल मिल गए'मध्ये दिसली होती.
मात्र, जन्नत जुबेरला खरी ओळख मिळाली ती 'काशी अब ना रहे तेरे कागज कोरा' या चित्रपटातून. त्यानंतर ती फुलवामध्ये दिसली होती. या मालिकेतील तिच्या अभिनयानं लोकांना वेड लावलं होतं.