सकाळ डिजिटल टीम
Deepika Singh : स्टार प्लसचा सुपरहिट शो 'दीया और बाती हम'मधील संध्या बिंदानी तुम्हाला आठवते का? संध्याचा पती सूरज तिला अभ्यासात मदत करतो आणि ती आयपीएस अधिकारी बनते. ती अविस्मरणीय भूमिका अभिनेत्री दीपिका सिंहनं साकारली होती.
सीरियल 'दिया और बाती हम' फेम दीपिका सिंह बऱ्याच दिवसांनी टीव्हीवर कमबॅक करत आहे. पाच वर्षांपूर्वी तिनं टीव्हीच्या दुनियेतून स्वत:ला दूर ठेवलं होतं.
दीपिकाचा पती रोहित गोयल दिग्दर्शित 'टीटू अंबानी' चित्रपट फ्लॉप झाला, तेव्हा दीपिका 2018 साली ओटीटीकडं वळली, पण तिला अपेक्षेप्रमाणं यश मिळालं नाही.
आता ती 'मंगल लक्ष्मी' या मालिकेतून पुन्हा टीव्हीवर पुनरागमन करत आहे. दीपिका या शोबद्दल खूप उत्सुक आहे.
दीपिका सिंहनं 'कवच', 'ये रिश्ता क्या कहलाता है', 'नच बलिए सीझन 5 आणि 6', 'साथ निभाना साथिया', 'कुमकुम भाग्य', 'दीया और बाती हम' यां सारख्या शोमध्ये काम केलं आहे.
‘मंगल लक्ष्मी’ ही मालिका आज 27 फेब्रुवारीला कलर्सवर प्रसारित होणार आहे. त्याच्या प्रोमोनं प्रेक्षकांचं लक्ष वेधून घेतलं आहे.