बाॅलीवूडच्या 'या' दिग्गज कलाकारांनी कष्टाने मिळविले यश

बॉलीवूडमध्ये 'खिलाडी कुमार' म्हणून ओळखल्या जाणाऱ्या अक्षय कुमारची कहाणी खूपच रंजक आहे. त्याच्या कारकिर्दीच्या सुरुवातीस त्याने वेटर म्हणून काम केले. अक्षय थायलंडमध्ये मार्शल आर्ट शिकला आणि नंतर तो इतरांना शिकवू लागला. अक्षयच्या विद्यार्थ्यानेच त्याला मॉडेलिंगसाठी विचारले आणि त्यानंतर त्याने मागे वळून पाहिले नाही.

मध्यमवर्गीय कुटुंबात जन्मलेल्या रजनीकांतची दक्षिण भारतात देवासारखी पूजा केली जाते. जगभरात त्यांचे चाहते प्रचंड आहेत. मात्र, या टप्प्यावर पोहोचण्यापूर्वी रजनीकांत यांनी हमाल आणि बस कंडक्टर म्हणून काम केले.

श्रीलंकन जॅकलिन फर्नांडिसने मास कम्युनिकेशनमध्ये पदवी प्राप्त केली आणि या दरम्यान तिने श्रीलंकन ​​सौंदर्य स्पर्धा जिंकली. तिने टीव्ही रिपोर्टर म्हणूनही काम केले. याशिवाय तिने अनेक टीव्ही शो होस्ट केले.

बोमन इराणी यांनी बाॅलीवूडमध्ये येण्यापूर्वी वेटर आणि रूम सर्व्हिस अटेंडंट म्हणून काम केले. शिवाय वडिलोपार्जित दुकान चालवण्यासाठी त्यांनी आईला मदत केली.

आई शर्मिला टागोर यांच्यामुळे सोहा अली खानच्या रक्तात अभिनय होता. पण ती लहानपणापासूनच अभ्यासात हुशार होती. लंडन स्कूल ऑफ इकॉनॉमिक्समधून तिने पदव्युत्तर शिक्षण पूर्ण केले. यानंतर तिनी फोर्ड फाऊंडेशन आणि सिटी बँकेत काम केले.

'कहो ना प्यार है' या चित्रपटातून हृतिक रोशनसोबत शानदार पदार्पण करणाऱ्या अमिषा पटेलला आज सर्वजण ओळखतात. पण बॉलिवूडमध्ये येण्यापूर्वी तिने एका सिक्युरिटी फर्ममध्ये आर्थिक विश्लेषक म्हणून काम केले.

'बँड बाजा बारात', 'लुटेरा', 'बाजीराव मस्तानी' यासारख्या चित्रपटांनी रणवीर सिंगला रातोरात स्टार बनवले. मात्र, बॉलिवूड सुपरस्टार होण्यापूर्वी रणवीरने एका जाहिरात एजन्सीसाठी कॉपी रायटर म्हणून काम केले.

'शेरशाह' आणि 'भूल भुलैया 2' चित्रपट करण्यापूर्वी कियारा अडवाणी तिच्या आईने चालवल्या जाणाऱ्या शाळेत मुलांना शिकवायची.

आयुष्मान खुरानाने लहान वयातच टीव्हीमध्ये काम करायला सुरुवात केली. त्याने पत्रकारितेची पदवी घेतली होती आणि रेडिओ जॉकी म्हणून काम केले होते. यानंतर त्याने रिअॅलिटी शोद्वारे टीव्हीमध्ये प्रवेश केला आणि त्यानंतर मोठ्या पडद्यावर प्रवास केला.

सोनाक्षी सिन्हा जर अभिनेत्री नसती तर ती नक्कीच फॅशन डिझायनर झाली असती. वास्तविक, सोनाक्षीने बॉलिवूडमध्ये येण्यापूर्वी फॅशन वीकसाठी डिझायनर म्हणून काम केले होते. लॅक्मे फॅशन वीकमध्येही ती अनेक प्रसंगी सहभागी झाली होती.