Anuradha Vipat
अंकिता वालावलकर बिग बॉस’मुळे महाराष्ट्राच्या घराघरांत लोकप्रिय झाली आहे.
विजेतेपद हुकलं असलं तरीही अंकिताच्या खेळाचं सध्या सर्वत्र कौतुक करण्यात येत आहे.
शोमध्ये प्रवेश केल्यावर अंकिताने आपल्या वैयक्तिक आयुष्याबद्दल खुलासा करत लवकरच लग्नबंधनात अडकणार असल्याचं स्पष्ट केलं होतं.
नुकत्याचं दिलेल्या मुलाखतीत अंकिताला ‘कोकण हार्टेड बॉय’ची तुझ्या ‘बिग बॉस’ मधल्या प्रवासाविषयी काय प्रतिक्रिया होती असा प्रश्न तिला विचारण्यात आला
यावर अंकिता म्हणाली, “कोकण हार्टेड बॉयने मला घरात येण्याआधीच सांगितलं होतं, जिंकण्यासाठी जाऊ नको म्हणजे थोडक्यात त्याचं असं म्हणणं होतं की, आता जिंकायचंय म्हणून फेक वागू नकोस.
पुढे अंकिता म्हणाली, ‘कोकण हार्टेड बॉय’ मला बाहेर आल्यावर म्हणाला छान खेळलीस…तुझं सर्वत्र कौतुक होतं आहे
पुढे लग्न कधी करतेस आणि कोकण हार्टेड बॉय कोण आहे? याबद्दल सांगताना अंकिता म्हणाली, “कोकण हार्टेड बॉय’ कोण आहे हे तुम्हाला लवकरच कळेल आणि लग्न फेब्रुवारीच्या आधी करण्याचा माझा विचार होता पण, सध्या आता खूप कामं आहेत.