Anuradha Vipat
अंकुश चौधरीला मराठी कलाविश्वातील सुपरस्टार म्हणून ओळखलं जातं.
आता लवकरच अंकुश एका नव्या नाटकाच्या निमित्ताने प्रेक्षकांच्या भेटीला येणार आहे.
या नाटकाची घोषणा करताना अंकुशने एक पोस्ट फेसबुकवर शेअर करत सर्वांचं लक्ष वेधून घेतलं आहे.
पोस्ट फेसबुकमध्ये अंकुशने लिहिलं आहे की, नमस्कार, मी अंकुश चौधरी. गेली पन्नास वर्षे मी या मुंबई शहरात राहतोय. याच शहरातल्या गिरणगावात मी लहानाचा मोठा झालो. थोडक्यात सांगायचं तर याच गिरणगावात माझी सगळी दुनियादारी...
कधी काळी या शहरावर राज्य करणाऱ्या मूळ मुंबईकरांचं अस्तित्वच संपत चाललेलं आहे. या साऱ्याची जाणीव आणि जाणिवेतून येणारी अस्वस्थता माझ्यासारख्या अनेक भूमिपुत्रांच्या वाट्याला येत असेलच असंही अंकुशने पुढे लिहिलं आहे
एक कलाकार म्हणून ही अस्वस्थता लोकांपर्यत पोहोचावी म्हणून या शहराची, शहरातील गिरणगावाची आणि या गिरणगावातल्या भूमिपुत्रांची गोष्ट सांगणार ‘तोडी मिल फॅन्टसी’ हे नाटक आपल्यासाठी घेऊन येत आहे अस अंकुशने पुढे लिहिलं आहे
अंकुशने पुढे लिहिलं आहे, २२ जून रोजी लोकशाहीर अण्णाभाऊ साठे सभागृह. सायंकाळी ४:०० वा. राणीबाग भायखळा येथे. माझी खात्री आहे माझ्या या प्रयत्नात तुम्ही मला नक्की साथ द्याल तुमचा मित्र आणि गिरणगावचा भूमिपुत्र अंकुश चौधरी