Pranali Kodre
सचिन तेंडुलकरचा मुलगा अर्जुन याचा २४ सप्टेंबर २०२४ रोजी २५ वा वाढदिवस आहे. या निमित्ताने त्याला अनेकांनी शुभेच्छा दिल्या आहेत.
सचिनने आपल्या लेकाला, तर साराने आपल्या धाकट्या भावासाठी वाढदिवसानिमित्त खास पोस्टही शेअर केले आहेत.
सचिनने अर्जुनचा बॅटबरोबरचा फोटो शेअर केला आहे. सचिनप्रमाणे अर्जुनही क्रिकेट खेळतो. तो अष्टपैलू खेळाडू आहे.
सचिनने वाढदिवसाच्या शुभेच्छा देताना लिहिले की 'माझा मुलाला वाढदिवसाच्या शुभेच्छा, तुझे आयुष्यावरील प्रेम आणि अथक समर्पण मला रोज प्रेरणा देते. आज सकाळी तुला आधी जिम करताना पाहिले, त्यातून तुझी तुझ्या कामांबद्दल नैतिकता दिसली. तुझा अभिमान आहे, तुझ्या स्वप्नांचा पाठलाग करण्यासाठी आणखी एक वर्षासाठी तुला शुभेच्छा.'
साराने अर्जुनबरोबरचे अनेक गोड फोटो आणि व्हिडिओ शेअर केले आहेत.
तसेच साराने अर्जुनला शुभेच्छा देताना लिहिले आहे की घरातील बाळ आणि आमच्या आयुष्याचा केंद्रबिंदु असलेल्या अर्जुनला २५ व्या वाढदिवसाच्या शुभेच्छा. तुझा खुप अभिमान आहे आणि खूप प्रेम.'
अर्जुन सध्या गोव्याकडून देशांतर्गत क्रिकेट खेळतो. तसेच तो आयपीएलमध्ये मुंबई इंडियन्सकडून खेळला आहे.