Pranali Kodre
ऑस्ट्रेलियन क्रिकेटपटू ट्रेविस हेड याच्या घरी सध्या उत्साहाचे वातावरण आहे.
ट्रेविस हेड आणि त्याची पत्नी जेसिका दुसऱ्यांदा आई-बाबा झाले आहेत.
जेसिका हिने ४ नोव्हेंबर रोजी मुलाला जन्म दिला आहे.
याआधी ट्रेविस आणि जेसिका यांना २ वर्षांची मुलगी आहे. तिचं नाव मिला आहे.
ट्रेविस आणि जेसिका यांनी मुलाच्या जन्माची गोड बातमी ८ नोव्हेंबर रोजी त्याचे फोटो शेअर करत सर्वांना दिली आहे.
त्यांनी फोटो शेअर करताना कॅप्शनमध्ये त्याचा जन्म ४ नोव्हेंबर २०२४ ला झाल्याचे जाहीर केले. तसेच त्याचं नाव हॅरिसन जॉर्ज हेड असं ठेवल्याचंही सांगितलं.
ट्रेविस आणि जेसिका यांनी शेअर केलेल्या फोटोंमध्ये त्यांच्या नवज्यात मुलासोबत मिला देखील दिसत असून तिच्या चेहऱ्यावर मोठी बहिण झाल्याचं कुतूहल आणि आनंद दिसून येत आहे.
दरम्यान, मुलाच्या जन्मासाठी ट्रेविस हेड याने रजा घेतली होती. त्यामुळे तो पाकिस्तानविरुद्ध झालेल्या वनडे सामन्यात खेळला नव्हता.