ऋषिकेश साळवी (Rushikesh Salvi)
पावसाळ्याची सुरवात होताच जमिनीत असलेल्या सापांच्या बिळात पावसाचे पाणी शिरल्याने साप जमिनीबाहेर पडतात.
पावसाळ्यात सर्पदंश होण्याचे प्रमाण सर्वाधिक आहे.
पावसाळ्यात बऱ्याच जातींच्या सापांचा प्रजनन काळ असतो. सुरक्षित जागेच्या शोधात साप जून ते ऑगस्ट या कालावधीत मानवी वस्तीच्या आसपास आढळतात.
शांत राहा आणि परिस्थितीवर नियंत्रण ठेवा. रुग्णाला मानसिक आधार द्या.
न्यूरॉटॉक्सिक विष असणारा साप (नाग) चावला असेल तर चावलेला भाग स्प्लिंट बांधून स्थिर करावा. विनाविलंब रुग्णालयात जावे.
हाताला किंवा पायाला सूज आली तर रुग्णाला हालचाल करू देऊ नका. गरज असेल तरच त्याला चालू द्यावे.
सर्पदंशाची नेमकी वेळ लक्षात ठेवावी. रुग्णाच्या लक्षणांकडे लक्ष ठेवा. डॉक्टरांना नेमकी माहिती द्यावी.
घराच्या परिसरातील स्वच्छता करावी. घरामध्ये भिंतीला लागून झोपू नये.