Pranali Kodre
गायक अभिजीत सावंत सध्या बिग बॉस मराठीच्या ५ व्या सिजनचा स्पर्धक आहे.
अभिजीतला प्रसिद्धी २००५ साली आलेल्या इंडियन आयडॉल या रिऍलिटी शोमधून मिळाली. तो या शोच्या पहिल्या सिजनचा विजेता आहे.
अभिजीतने २००५ साली गायलेलं मोहब्बते लुटाऊंगा हे गाणं खूप प्रसिद्ध झालं होतं. त्याचा आपका अभिजीत, जुनून असे अल्बमलाही मोठी प्रसिद्धी मिळाली.
अभिजीतने २००८ साली जो जिता वही सिकंदर या रिऍलिटी शोचेही उपविजेतेपद मिळवले होते. २००९ साली नच बलियेच्या चौथ्या सिजनमध्ये पत्नी शिल्पासह सहभाग घेतला होता.
अभिजीतने २००७ साली शिल्पा यांच्याबरोबर लग्न केले. त्यांना आता दोन मुली आहेत. शिल्पा यांचा बेकिंगचा व्यायसायही आहे.
अभिजीत मोहम्मद रफी, किशोर कुमार, उदित नारायण आणि सोनू निगम यांचा खूप आदर करतो.
रिपोर्ट्सनुसार अभिजीत शाहरुख खान आणि राणी मुखर्जी यांचा फॅन आहे. तसेच त्याला लहानपणी टॉम अँड जेरी आणि पोपोय हे कार्टुनही पाहायला आवडायचे.
अभिजीतला क्रिकेट पाहायलाही आवडते. सचिन तेंडुलकर त्याचा आवडता खेळाडू आहे.
अभिजीतने लॉटरी, तीस मार खान अशा चित्रपटांमध्ये, तर सीआयडी या शोमध्ये अभिनयही केला आहे.
अभिजीत २०१० मध्ये हिट अँड रन प्रकरणात अडकला होता. मीडिया रिपोर्ट्सनुसार त्याची मैत्री आणि इंडियन आयडॉलमधील स्पर्धक प्राजक्ता सुक्रे ही कार चालवत होती, तर अभिजीत बाजूला बसला होता. त्यावेळी त्यांच्या कारची धडक एका दुचाकीला लागली होती, ज्यात दोन युवक जखमी झाले होते.
अभिजीतने राजकीय क्षेत्रही आजमावून पाहिले आहे. त्याने शिवसेना पक्षात प्रवेश केला होता.
अभिजीत आता चित्रपटांमध्ये गाण्यासोबतच स्वत:ची गाणी लिहून ती गातोही. तसेच तो भारतात आणि परदेशात स्टेज शो देखील करत असतो.