Amit Ujagare (अमित उजागरे)
बिगबॉस फेम सूरज चव्हाण हा आपल्या अतरंगी रिल्समुळं फेमस झाला आहे.
यानंतर तो आता बिगबॉसमध्ये सहभागी झाल्यानंतर तर तो महाराष्ट्राच्या घराघरात पोहोचला आहे.
साधेपणा आणि सच्चेपणामुळं तो बिगबॉसच्या प्रेक्षकांच्या मनावर अधिराज्य गाजवतोय.
शेवटच्या पाच जणांमध्ये सूरज चव्हाण असेलच असा विश्वास खुद्द कलर्स मराठी वाहिनीचे प्रमुख केदार शिंदे यांनी नुकताच व्यक्त केला होता.
पण मुळात टिकटॉकच्या जमान्यापासून शॉर्ट व्हिडिओज आणि आता त्याचे रिल्स शूट करण्यामागं एका मुलीचा मोठा वाटा आहे.
सूरजचे व्हिडिओ शूट करुन ते सोशल मीडियावर पोस्ट करणारी ही तरुणी कोण आहे तुम्हाला माहितीए का?
वैष्णवी विनोद जाधव असं या तरुणीचं नाव असून ती सूरज चव्हाणची भाची आहे. मामा-भाची यांनी मिळून रिल्सद्वारे इन्टरटेनिंग कन्टेट बनवला.
याच कन्टेटच्या जोरावर सूरज चव्हाण रिलस्टार बनला आणि बिगबॉसच्या घरापर्यंतही पोहोचला.