Pranali Kodre
गायक अभिजीत सावंत सध्या बिग बॉस मराठीच्या ५ व्या सिजनचा स्पर्धक आहे. अभिजीत इंडियन आयडॉल या रिऍलिटी शोच्या पहिल्या सिजनचा विजेता आहे.
दरम्यान, जिओ सिनेमा ऍपवर असलेल्या बिग बॉसच्या अनसीन अनदेखामधील एका क्लिपमध्ये अभिजीत सावंत त्याची लव्हस्टोरी सांगताना दिसत आहे.
अभिजीत धनंजय पोवार आणि अंकिता वालावलकर यांच्याशी बोलत होता. त्यावेळी धनंजय पोवारने त्याला त्याच्या लग्नाची स्टोरी विचारली.
अभिजीतने त्याचं लव्ह मॅरेज असल्याचं सांगितलं. त्याने सांगितलं की सध्या त्याची पत्नी असलेल्या शिल्पा या त्याच्याच कॉलनीमध्ये राहायच्या.
अभिजीत आणि शिल्पा यांचं ७ वर्षे अफेअर होतं. त्यावेळी घरी सर्वांना थोडी कल्पना होती.
अभिजीतने पुढे सांगितलं की नंतर इंडियन आयडल जिंकल्यानंतर दोन वर्षातच त्याने लग्न करण्याचा निर्णय घेतला. त्यांनी २००७ मध्ये लग्न केले.
अभिजीत आणि शिल्पा यांना आता दोन मुली आहेत.