Pranali Kodre
भारताचा प्रसिद्ध बॉडी बिल्डर संग्राम चौगुलेने बिग बॉस मराठी सिजन ५ मध्ये वाईल्ड कार्ड प्रवेश केला आहे.
मुळचा कोल्हापूरचा असलेला संग्राम चौगुले गेल्या अनेक वर्षांपासून बॉडी बिल्डींग क्षेत्रात असून त्याने मिस्टर इंडिया, मिस्टर युनिवर्स असे मोठे किताबही जिंकले आहेत.
दरम्यान, संग्राम हा बॉडी बिल्डर असल्याने त्याचा डाएटही जवळपास ठरलेला आहे.
मात्र, यंदाच्या बिग बॉसमध्ये असं बऱ्याचदा दिसलंय की स्पर्धकांना जेवणासाठीचे राशनही खरेदी करावे लागत आहे, त्यामुळे त्यांना त्यांच्या आवडीचे पदार्थही कधी कधी मिळत नाहीत.
अशात आता संग्राम चौगुले त्याचा डाएट कसा करणार आणि त्यामुळे बिग बॉसला घाम फुटणार का? हे पाहावं लागणार आहे.
संग्रामच्या डाएटबद्दल सांगायचे झाले, तर मसलब्लेझच्या २०२३ मधील रिपोर्ट्सनुसार नाश्ता म्हणून तो साधारण ४ औंस (१ औंस म्हणजे जवळपास २८.३६ ग्रॅम) ओट्स, २ अंडे, २ ब्रेड आणि ६ औंस चिकन खातो.
तो दुपारच्या जेवणात लीन प्रोटीन आणि कॉम्प्लेक्स कार्ब्स असणारे पदार्थ, चांगले फॅट्स असणारे पदार्थ, भात, हिरव्या पालेभाज्या, चिकन खातो.
त्यानंतर तो रात्रीच्या जेवणातही मांसाहार, भाज्या आणि भात खातो. तसेच शेवटी प्रोटीन शेक घेतो.