सकाळ डिजिटल टीम
इंडियन वेल्स ओपन 2024 टेनिस स्पर्धेत 17 मार्च रोजी पुरुष एकेरीचे विजेतेपद 20 वर्षीय कार्लोस अल्कारेजने जिंकले.
अल्कारेजने सलग दुसऱ्यांदा इंडियन वेल्स स्पर्धेचे विजेतेपद जिंकले आहे.
इंडियन वेल्स ओपन 2024 च्या अंतिम सामन्यात अल्कारेजने चौथ्या मानांकित डॅनिल मेदवेदेवला 7-6(5), 6-1 अशा फरकाने सरळ दोन सेटमध्ये पराभूत केले.
अल्कारेजचे हे विम्बल्डन 2023 नंतरचे पहिलेच विजेतेपद आहे.
विशेष म्हणजे इंडियन वेल्स ओपन 2023 स्पर्धेच्या अंतिम सामन्यातही अल्कारेजने मेदवेदेवलाच पराभूत करत विजेतेपद जिंकले होते.
अल्कारेजचे हे पाचवे एटीपी मास्टर्स 1000 विजेतेपदही ठरले आहे.
त्यामुळे वयाची 21 वर्षे पूर्ण करण्यापूर्वी 5 किंवा त्यापेक्षा अधिक एटीपी मास्टर्स 1000 विजेतेपद जिंकणारा राफेल नदालनंतरचा दुसराच खेळाडू आहे.