Anuradha Vipat
मराठमोळ्या अभिनेत्री छाया कदम यांच्या नावाची सध्या सगळीकडे चर्चा आहे.
यंदा छाया कदमनी ‘कान फिल्म फेस्टिव्हल’च्या रेड कार्पेटवर पदार्पण केलं आहे
यावेळी छाया कदम चित्रपटाच्या टीमबरोबर रेड कार्पेटवर डान्स करताना कॅमेऱ्यात कैद झाल्या आहेत .
रेड कार्पेटवर डान्स करण्याची कल्पना कोणाची होती, असं विचारल्यावर छाया कदम म्हणाल्या, “मी नक्की सांगू शकत नाही, पण ती व्यक्ती कदाचित मीच होते.
पुढे छाया कदम म्हणाल्या, कोणीतरी विनोद केला की ‘तुम्ही तुमच्या घराच्या अंगणात असल्यासारखं नाचत होत्या.’ ‘का नाही?’ असं म्हणत मी त्याला उत्तर दिलं.
३० वर्षांनंतर एका मुख्य स्पर्धेचा भाग होणं आणि पुरस्कार जिंकणं ही खूप मोठी कामगिरी आहे. अशा वेळी नियमांचं पालन का करायचं? आम्ही मनसोक्त डान्स करून आनंद व्यक्त केला.”असंही पुढे छाया कदम म्हणाल्या
छाया कदम यांचं सध्या सर्वत्र कौतुक होत आहे .