Pranali Kodre
छत्रपती शिवाजी महाराज यांच्या ऐतिहासिक राज्याभिषेक सोहळ्याला ३५० वर्षे उलटून गेले आहेत.
रायगड किल्ल्यावर ६ जून १६७४ रोजी हा ऐतिहासिक सोहळा पार पडला.
दरम्यान राज्याभिषेक विधीला २९ मे पासूनच सुरुवात झाली होती.
राज्याभिषेक होण्यापूर्वी शिवरायांचे व्रतबंध होणे आवश्यक असल्याने त्यांची २९ मे रोजी मुंज करण्यात आली होती. त्यावेळी प्रायश्चित विधी म्हणून तुलापुरुषदान करण्यात आले होते.
महाराष्ट्र राज्य साहित्य आणि संस्कृती मंडळाकडून प्रकाशित करण्यात आलेल्या प्र.न. देशपांडे लिखित छत्रपती शिवाजी महाराज या पुस्तकात याबाबत माहिती देण्यात आली आहे.
पुस्तकानुसार डच कागदपत्रांमध्ये शिवरायांच्या तुलादानाबाबत माहिती आढळते. डचांच्या कागदपत्रांनुसार शिवरायांचे वजन १७,००० पगोडे म्हणजेच सुमारे १६० पौंड भरले होते.
शिवाजी महाराजांची पहिली सुवर्णतुला करण्यात आली होती. त्यानंतर चांदी आणि तांब्याचीही तुला करण्यात आली. त्यानंतक विविध फळे आणि साखर इत्यादी गोष्टींचीही तुला करण्यात आली.
या सोहळ्यासाठीही देशाच्या विविध भागांमधून साधारण ११ हजार लोक रायगडावर उपस्थित होते, अशी नोंद डच कागदपत्रांमध्ये आढळते.