Pranali Kodre
आयपीएल 2024 स्पर्धेतील 68 व्या सामन्यात चेन्नई सुपर किंग्स संघाला रॉयल चॅलेंजर्स बंगळुरू संघाविरुद्ध 27 धावांनी पराभवाचा सामोरे जावे लागले.
हा सामना बंगळुरूतील एम चिन्नास्वामी स्टेडियमवर पार पडला.
या सामन्यात पराभव स्विकारावा लागल्यानंतर चेन्नईचे आयपीएल 2024 मधील आव्हानही संपले.
मात्र, बंगळुरूने 27 धावांनी विजय मिळवल्याने त्यांच्या प्लेऑफमधील प्रवेशावर शिक्कामोर्तब झाले.
दरम्यान, या सामन्यासाठी स्टेडियममध्ये वेस्ट इंडिज आणि बंगळुरूचा माजी विस्फोटक फलंदाज ख्रिस गेलही उपस्थित होता.
यादरम्यान विराट कोहली, एमएस धोनी आणि ड्वेन ब्रावो यांच्याबरोबरील भेटीचे फोटोही त्याने सोशल मीडियावर पोस्ट केले आहेत. गेलला या पोस्टवर चाहत्यांकडून मोठ्या प्रमाणात लाईक्स मिळत आहेत.
त्याने बंगळुरूचा स्टार फलंदाज विराटबरोबरचा फोटो पोस्ट करताना त्याला कॅप्शन दिले की 'किंग दीर्घायुषी हो. तुझ्याबद्दल फक्त आदर आणि प्रेम.'
तसेच चेन्नईचा माजी कर्णधार एमएस धोनी आणि गोलंदाजी प्रशिक्षक ब्रावेबरोबरचे फोटो पोस्ट करताना त्याने कॅप्शन दिले की 'दोन चॅम्पियन्सला भेटून आनंद झाला. प्रेम आणि आदर.'