रोहित कणसे
पॅरिस ऑलिम्पिकमध्ये भारताची महिला कुस्तीपटू विनेश फोगटने महिलांच्या ५० किलो फ्रिस्टाईल प्रकारात अंतिम फेरीत धडक मारली होती.
पण बुधवारी सकाळी तिचे वजन १०० ग्रॅमने जास्त भरल्याने अपात्र ठरवण्यात आले.सध्या देशभरातुन विनेशचं सांत्वन केलं जात आहे, यादरम्यान इतरही अनेक प्रश्न उपस्थित केले जात आहेत.
आपले वजन ५० किलोच्या आत येत नाही, याची जाणीव झाल्यावर विनेश दुखापतीचे कारण सांगून अंतिम फेरीतून माघार घेऊ शकली असती त्यामुळे तिला किमान रौप्यपदक तरी मिळाले असते, असा प्रश्न अनेक जण उपस्थित करत आहे
खरंच माघार घेऊन विनेशला सिल्व्हर मेडल जिंकणं शक्य होतं का? याबद्दल जागतिक कुस्ती महासंघाचा नियम काय सांगतो..? चला जाणून घेऊया.
एखादा खेळाडू दुखापतग्रस्त झाला आणि पुढे खेळू शकणार नसेल तर त्याला पुन्हा वजन करण्याची गरज नाही.
दुखापतीपूर्वी मल्लाने मिळवलेले गुण कायम राहतात; पण जर त्या मल्लाला पुढच्या सामन्यात खेळायचे असेल तर जागतिक कुस्ती महासंघाच्या डॉक्टरांकडून तिला किंवा त्यांना तंदुरुस्तीचे प्रमाणपत्र मिळवावे लागते.
जर पहिल्याच दिवशी दुखापत किंवा आजार झाला तर पुढच्या फेरीत खेळण्यापूर्वी त्या मल्लाला वजन काट्यावर उभे राहावेच लागते. तसे केले नाही तर तो मल्ल अपात्र ठरतो.
वजनाच्या वेळी केवळ एक युनिफॉर्म परिधान करायला परवानगी असते.
व्यवस्थित कपडे परिधान केले नसतील तर रेफ्री खेळाडूला वजन करण्यास परवानगी देत नाही.
पदकाची लढत असेल तर थोड्या ग्रॅम वजनालाही परवानगी नसते. अंतिम सामन्याच्या वेळी दोनदा वजन चाचणी होते.
परिणीती चोप्राचा व्हिडीओ होतोय चांगलाच व्हायरल