Pranali Kodre
आयपीएल 2024 स्पर्धेत सातवा सामना 26 मार्च 2024 रोजी चेन्नई सुपर किंग्स विरुद्ध गुजरात टायटन्स संघात होणार आहे.
हा सामना चेन्नईमधील एमए चिदंबरम म्हणजेच चेपॉक स्टेडियमवर रंगणार आहे.
दरम्यान, मीडिया रिपोर्ट्सनुसार हा सामना चालू झाल्यानंतर 7 वाजून 38 मिनिटांनी चेन्नई सुपर किंग्सचा अनुभवी अष्टपैलू खेळाडू रविंद्र जडेजाचा चाहत्यांकडून गौरव केला जाणार आहे.
रिपोर्ट्सनुसार जडेजाने चेन्नई सुपर किंग्ससाठी दिलेल्या योगदानाबद्दल त्याचा गौरव केला जाणार असल्याचे म्हटले आहे.
सामना सुरु झाल्यानंतर आठ मिनिटांनी म्हणजेच संध्याकाळी 7 वाजून 38 मिनिटांनी चेन्नईचे चाहते उभे राहुन जडेजासाठी टाळ्यांचा कडकडाट करतील.
सामना सुरू झाल्यानंतर आठ मिनिटांनी कारण जडेजाचा जर्सी क्रमांक 8 आहे.
जडेजाने चेन्नई सुपर किंग्सला 2023 आयपीएलची ट्रॉफी जिंकून देण्यात मोलाचा वाटा उचलला होता. हे चेन्नई सुपर किंग्सचे पाचवे विजेतेपद होते. 2023 आयपीएलच्या अंतिम सामन्यात चेन्नईने गुजरात टायटन्सला पराभूत केले होते.