Pranali Kodre
ऑस्ट्रेलियाचे टी२० वर्ल्ड कप २०२४ मधील आव्हान संपल्यानंतर धडाकेबाज डेव्हिड वॉर्नरने आंतरराष्ट्रीय क्रिकेटमधून निवृत्ती घेतली.
वॉर्नर यापूर्वीच वनडे आणि कसोटीमधून निवृत्त झाला होता, पण टी२० वर्ल्ड कपनंतर त्याने आंतरराष्ट्रीय टी२० मधूनही निवृत्ती घेतली.
दरम्यान, आता ऑस्ट्रेलियाला वॉर्नरच्या जागेवर खेळणारा एक सलामीवीर शोधावा लागणार आहे.
अशातच कदाचीत वॉर्नरनेच त्याचा वारसदार कोण असू शकतो, याचे संकेत दिले आहेत.
वॉर्नरने त्याच्या निवृत्तीनंतर इंस्टाग्रामवर पोस्ट शेअर केली आहे, ज्यात त्याने जॅक फ्रेझर-मॅकगर्कबरोबरचा फोटो आहे.
वॉर्नरने या फोटोला 'चॅम्पियन आता सर्व तुझे आहे', असे कॅप्शन दिले आहे.
वॉर्नरचे हे कॅप्शन पाहून अनेकांनी असा कयास लावला आहे की त्याने त्याचा वारसदार म्हणून फ्रेझर-मॅकगर्कला निवडले आहे.