प्रणाली कोद्रे
अफगाणिस्तानने बांगलादेशचा पराभव करताच ऑस्ट्रेलियाचे टी20 वर्ल्डकप 2024 मधील आव्हान संपुष्टात आले.
त्यामुळे ऑस्ट्रेलिया वर्ल्ड कप 2024 मधून बाहेर पडताच धडाकेबाज सलामीवीर डेव्हिड वॉर्नरने आंतरराष्ट्रीय क्रिकेटमधून निवृत्ती घेतली.
साल 2009 मध्ये ऑस्ट्रेलियाकडून पदार्पण केलेल्या वॉर्नरने अनेक अफलातून खेळी करत ऑस्ट्रेलियाला मोठे विजय मिळवून दिले.
वॉर्नरने त्याच्या कारकि‍र्दीत वनडे वर्ल्ड कप, टी20 वर्ल्ड कप, कसोटी चॅम्पियन्सशीप असे अनेक मोठी विजेतीपदं जिंकली.
मात्र, त्याला 2017 मध्ये चेंडू छेडछाड प्रकरणात एक वर्षाच्या बंदीच्या कारवाईचाही सामना करावा लागला. पण एका वर्षाच्या बंदीनंतर त्याने 2018 मध्ये क्रिकेटमध्ये दमदार पुनरागमन केले.
वॉर्नरने 112 कसोटी सामने खेळताना 44.59 च्या सरासरीने 26 शतके आणि 37 अर्धशतकांसह 8786 धावा केल्या आहेत.
वनडेत वॉर्नरने 161 सामने खेळले असून 45.30 च्या सरासरीने 22 शतके आणि 33 अर्धशतकांसह 6932 धावा केल्या.
वॉर्नरने आंतरराष्ट्रीय टी20 क्रिकेटमध्ये 110 सामन्यांत 33.43 च्या सरासरीने 1 शतक आणि 28 अर्धशतकांसह 3277 धावा केल्या.