फायटर ते इंटर्न : दीपिका यंदा मोठा पडदा गाजवणार

‘ओम शांती ओम’ या पहिल्या चित्रपटापासून रुपेरी पडदा गाजवणाऱ्या अभिनेत्री दीपिका पदुकोण हिने त्यानंतर पुन्हा कधी मागे वळून पाहिलेच नाही.

यावर्षी दीपिका कोणत्या चित्रपटांची मेजवानी आपल्या चाहत्यांना देणार आहे, हे पाहूया.

फायटर

यावर्षी सुरुवातीला दीपिका ‘फायटर’ या ॲक्शनपटाच्या माध्यमातून चाहत्यांच्या भेटीला येणार आहे.

दीपिकासह हृतिक रोशन, अनिल कपूर, करणसिंह ग्रोव्हर, अक्षय ओबेरॉय अशी तगडी ‘स्टारकास्ट’ या चित्रपटात आहे. ‘बिग-बजेट’ असणाऱ्या या चित्रपटात रोमांचकारी ‘ॲक्शन सीन्स’ असून, यातील गाण्यांवर तरुणाई आतापासूनच पार्ट्यांमध्ये थिरकू लागली आहे.

‘सिंघम ३’

‘फायटर’नंतर दीपिका ‘सिंघम ३’च्या चित्रपटाच्या माध्यमातून पोलिस अधिकाऱ्याच्या भूमिकेत रुपेरी पडद्यावर येईल.

यात तिच्याबरोबर अजय देवगण, करिना कपूर, रणवीर सिंह आणि अक्षयकुमार हे महत्त्वाच्या भूमिकांमध्ये आहेत. अजय देवगणबरोबरची दीपिकाची जोडी नक्कीच चाहत्यांच्या पसंतीस उतरेल!

द इंटर्न

‘द इंटर्न’ या हॉलिवूडपटाचा रिमेक असणाऱ्या या चित्रपटाचे शूटिंग लवकरच सुरू होईल.

ब्रह्मास्त्र २

रणबीर कपूरच्या बहुचर्चित ब्रह्मास्त्र चित्रपटाचा सिक्वेल यावर्षी प्रदर्शित होणार असून, यात दीपिका प्रमुख भूमिकेत असण्याची शक्यता आहे.

कल्की २८९८ एडी

हा चित्रपट वैज्ञानिक कथेवर आधारित असू शकेल, असा दीपिकाच्या चाहत्यांचा अंदाज आहे.या चित्रपटातही कलाकारांची मोठी फौज चाहत्यांच्या भेटीला येत आहे.