तुम्हीही झोपेत बडबडता काय? असू शकतो हा गंभीर आजार

एखादा व्यक्ती झोपेत बडबड करत असेल तर त्याला पॅरोसोमनिया नावाचा स्लीप डिसॉर्डर असू शकतो. झोपेत बडबडण्याची अनेक कारणं असू शकतात. जसे की, स्ट्रेस, डिप्रेशन, झोपचा अभाव, थकवा, व्यसन.

लक्षणे

या आजाराचे पहिले लक्षण म्हणजे रात्री झोपेत बडबडणाऱ्या लोकांना दिवसा फार झोप येते. काही लक्षणांमध्ये झोपेच्या सवयींत बदल आणि झोपेत फार हलणे अशाही समस्या असू शकतात.

या आजाराचा सगळ्यात जास्त धोका कोणाला?

हा आजार कुठल्याही वयातील व्यक्तीस होऊ शकतो. हा डिसॉर्डर दारूचे व्यसन असणाऱ्या व्यक्तीस, स्ट्रेस असणाऱ्या किंवा मेंटल डिसॉर्डर असणाऱ्या व्यक्तीसही होऊ शकतो.

या गोष्टींकडे ठेवा विशेष लक्ष

झोपेत बडबडण्याच्या आजारावर कुठलेही खास औषध नाही. मात्र या आजारावर नियंत्रण ठेवणे शक्य आहे. मीडिया रिपोर्टनुसार, कुठल्याही व्यक्तीने रात्री भरपूर झोप आणि जेवण करून या आजारावर नियंत्रण ठेवता येतं.

कॅफिनचे कमी सेवन करा

तुम्हाला झोपेत बडबडण्याची सवय असेल तर तुम्ही चहा आणि कॉफीचे सेवन कमीत कमी करायला हवे. रात्री कॅफिनयुक्त पदार्थांचे सेवन केल्याने झोपेच्या समस्या उद्भवतात.

स्ट्रेस

अनेकदा स्ट्रेसमुळेसुद्धा व्यक्ती झोपेत बडबडतो. तुम्हाला फार जास्त स्ट्रेस असेल तर तुम्ही मेडिटेशन सुरु करावे. स्ट्रेसमुळे मेंदूवर ताण पडतो. ज्यामुळे तुम्हाला झोप कमी येते.

तेव्हा झोपेतील बडबडणे हलक्यात घेऊ नका. लक्षणे दिसल्यास वेळीच डॉक्टरांशी संपर्क साधा.