Pranali Kodre
भारतात सध्या आयपीएल 2024 स्पर्धा सुरू आहे. या स्पर्धेत राजस्थान रॉयल्सने शानदार सुरुवात केली आहे.
राजस्थान रॉयल्सने चौथा सामना जयपूरला 6 एप्रिलला रॉयल चॅलेंजर्स बेंगळुरूविरुद्ध खेळला.
या स्पर्धेदरम्यान राजस्थान रॉयल्स संघ राजस्थानमध्ये महिला सक्षमीकरणाबद्दल जनजागृती करतानाही दिसले आहेत. त्यांनी पूर्ण गुलाबी रंगाची जर्सीही याचसाठी घातली होती.
दरम्यान, राजस्थानने अशीही घोषणा केली आहे की रॉयल चॅलेंजर्स विरुद्धच्या सामन्यादरम्यान मारण्यात येणाऱ्या प्रत्येक षटकारामागे राजस्थानमधील 6 घरात सोलर पॅनल बसवण्यात येणार आहेत.
हा उपक्रम राजस्थान रॉयल्स संघ आणि राजस्थान रॉयल्स फाउंडेशनतर्फे राबवण्यात येत आहे.
राजस्थान रॉयल्स राबवण्यात येत असलेल्या या उपक्रमाचे सध्या कौतुक होत आहे.