Sudesh
स्पेस एक्स, टेस्ला अशा कंपन्यांचे सीईओ इलॉन मस्क कायम चर्चेत असतात.
इलॉन मस्कची स्पेस एक्स ही खासगी अंतराळ क्षेत्रातील सर्वात मोठी कंपनी समजली जाते.
याच कंपनीने आता अमेरिकेसोबत चक्क स्पाय सॅटेलाईट बनवण्यासाठी करार केला आहे.
मीडिया रिपोर्टमध्ये मिळालेल्या माहितीनुसार, स्पेसएक्सची स्टारशील्ड युनिट हे उपग्रह बनवत आहे.
विशेष म्हणजे, 1.8 बिलियन डॉलर्सचा हा करार 2021 सालीच झाला होता असं मीडिया रिपोर्ट्समध्ये म्हटलं आहे.
या करारा अंतर्गत इलॉन मस्क अमेरिकेला केवळ एक नाही, तर अनेक उपग्रहांचं जाळं तयार करून देणार आहे.
शेकडो सॅटेलाइट्सचं हे नेटवर्क सुरू झाल्यानंतर अमेरिका संपूर्ण पृथ्वीवर कुठेही लक्ष ठेऊ शकेल, असा अंदाज वर्तवला जात आहे.