Fatima Sana Shaikh : 'मी काय एवढी 'आमीर' नाही'!

बॉलीवूडमधील प्रसिद्ध अभिनेत्री फातिमा सना शेख ही तिच्या वेगवेगळ्या कारणांमुळे नेहमीच सोशल मीडियावर ट्रेंडिंगचा विषय असते. आता ती एका प्रतिक्रियेमुळे चर्चेत आली आहे.

दंगल पासून फातिमाचा प्रवास सुरु झाला. आता ती लाईमलाईटमध्ये आली आहे. फातिमा सोशल मीडियावर नेहमीच ट्रेंडिंगचा विषय असते.

काही दिवसांपासून फातिमा आणि बॉलीवूडचा मिस्टर परफेक्शिनिस्ट आमिर खान यांच्याविषयी वेगवेगळ्या प्रतिक्रियांना उधाण आल्याचे दिसून आले होते.

आमिर खाननं काही महिन्यांपूर्वी त्याची दुसरी पत्नी किरण राव सोबत घटस्फोट घेतला होता. त्यानंतर तो फातिमाला डेट करतोय असे बोलले जात होते.

आता फातिमाची एक मुलाखत समोर आली आहे. त्यात तिनं आपल्या संघर्षाविषयी सांगितले आहे. त्यावर तिनं तिच्या आमिरपणाबद्दल सांगितलं आहे.

फातिमानं यावेळी बॉलीवूडमधील तिच्या संघर्षाविषयी सांगितलं आहे. ती म्हणते मी अजूनही एका भाड्याच्या घरात राहते. आणि कष्टदायी प्रवास अजूनही सुरुच आहे.

अनेकांना असे वाटते की इंडस्ट्रीतील लोकं श्रीमंत असतात पण फातिमाकडे पाहिल्यावर ते मत चुकीचे वाटण्याची शक्यता नाकारता येणार नाही.

मी एका मध्यमवर्गीय कुटूंबातून आली असून यापूर्वी आम्ही सगळे एका वन आरकेमध्ये राहत होतो. जे एका पार्किंगचे बेसमेंट होते. असेही फातिमानं म्हटले आहे.

फातिमा येणाऱ्या काळात बॉलीवूडच्या वेगवेगळ्या प्रोजेक्टमध्ये दिसून येणार असल्याची चर्चा आहे.