Pranali Kodre
देशात सध्या लोकसभा निवडणुकीची रणधुमाळी सुरू आहे.
महाराष्ट्रात पाच टप्प्यात मतदान झाले असून पाचवा आणि अखेरचा टप्पा २० मे रोजी पार पडला.
पाचव्या टप्प्यात महाराष्ट्रात मुंबईतील पाच जागांसह ठाणे, पालघर, धुळे, नाशिक आणि दिंडोरी या मतदार संघांत मतदान पार पडले.
यादरम्यान सामान्य जनतेसह अनेक सेलिब्रेटिंनीही मतदानाचा हक्क बजावला. यात अनेक क्रिकेटपटूंचाही समावेश आहे.
भारतरत्न सचिन तेंडुलकरने त्याचा मुलगा अर्जुन आणि पत्नी अंजलीसह मतदानाचा हक्क बजावला.
मुंबईचा क्रिकेटपटू तुषार देशपांडे यानेही मतदान केले.
विस्फोटक फलंदाज सूर्यकुमार यादवनेही मतदानाचा हक्क बजावला असून फोटोही पोस्ट केला आहे.
मुंबईचा क्रिकेटपटू अजिंक्य रहाणेनेही पत्नी राधिकासह मतदानाचा हक्क बजावला.