Amit Ujagare (अमित उजागरे)
दिल्लीत आतिशी मार्लेना या तिसऱ्या महिला मुख्यमंत्री म्हणून लवकरच शपथ घेणार आहेत.
यापार्श्वभूमीवर महाराष्ट्रालाही महिला मुख्यमंत्री लाभावा अशी चर्चा सुरु झाली असून यासाठी अनेक महिला नेत्यांची नावं पुढे येत आहेत. यामध्ये महायुतीतील शिंदे गटाकडून नीलम गोऱ्हे यांच्या नावाचा विचार होऊ शकतो.
तर भाजपकडून पंकजा मुंडे यांचं नावही पुढे येत आहे.
त्याचबरोबर अजित पवारांच्या राष्ट्रवादीकडून सुनेत्रा पवार या मुख्यंमत्रीपदाच्या दावेदार असू शकतात.
तर दुसरीकडं महाविकास आघाडीतील उद्धव ठाकरेंच्या शिवसेनेकडून मुख्यमंत्रीपदासाठी महिलेचा चेहरा द्यायचा असेल तर रश्मी ठाकरेंच्या नावाचा विचार होऊ शकतो.
तसंच काँग्रेसकडून फायरब्रँड नेत्या खासदार वर्षा गायकवाड यांचंही नाव पुढे येऊ शकतं.
तसंच काँग्रेसच्या आमदार यशोमती ठाकूर यांच्या नावाचाही पर्याय समोर येऊ शकतो.
तर शरद पवारांच्या राष्ट्रवादीकडून सुप्रिया सुळे यांचं नाव प्रकर्षानं पुढे येऊ शकतं.