गांधीजींची सर्वोत्कृष्ट भूमिका साकारणारा अभिनेता; लोकांना वाटलं बापूंचं भूतच..

आज महात्मा गांधी यांची १५४ वी जयंती असून जगभरातून त्यांना अभिवादन केलं जात आहे.

अनेक कलाकारांनी पडद्यावर महात्मा गांधींची भूमिका साकारली आहे पण सर बेन किंग्सले यांनी साकारलेली राष्ट्रपित्याची भूमिका आजही स्मरणात आहे.

बेन किंग्सले यांनी साकारलेली महात्मा गांधीची भूमिक इतकी परफेक्ट होती की अनेकांना ते महात्मा गांधींचे भूत आहेत असंच वाटायचं.

रिचर्ड अॅटनबरो दिग्दर्शित 'गांधी' हा चित्रपट 1982 साली प्रदर्शित झाला होता ज्यामध्ये गांधींची अजरामर भूमिका बेन किंग्सले यांनी साकारली होती.

गांधी चित्रपटातील ही भूमिका सगळ्यांच्या लक्षात राहीली, आता जगभरात गांधी म्हटलं की आठवतात ते बेन किंग्सले...

नंतर या चित्रपटाच्या दिग्दर्शकाने सांगितलं होतं की भारतामध्ये चित्रीकरण करताना शूटिंग पाहण्यासाठी जमलेले स्थानिक लोक सर बेन यांना पाहून घाबरायचे, त्यांना ते गांधींचे भूत आहेत असंच वाटायचं.

सांगितलं जातं की गांधींच्या भूमिकेसाठी बेन किंग्सले यांनी गांधींच्या वागण्याची पद्धत आणि त्यांची चाल अंगीकारण्यासाठी जुन्या फुटेजचा अभ्यास केला, स्वतःचं वजन कमी केलं होतं.

हा चित्रपट जगभर लोकप्रिय झाला आणि या चित्रपटासाठी सर बेन किंग्सले यांना सर्वोत्कृष्ट अभिनेत्याचा ऑस्कर पुरस्कार देखील मिळाला.

इतकेच नाही तर या चित्रपटाला ऑस्करसाठी ११ नॉमिनेशन मिळाले होते आणि बेस्ट पिक्चर, बेस्ट डायरेक्टर आणि बेस्ट अॅक्टरसह आठ पुरस्कार चित्रपटाने मिळवले होते.