Pranali Kodre
चाहते आणि खेळाडू यांचं नातं वेगळंच असतं. आपल्या आवडत्या खेळाडूसाठी चाहते अनेकदा अनोख्या गोष्टी करत लक्ष वेधतात.
बऱ्याचदा चाहते खेळाडूंचे लक्ष वेधणारे पोस्टर्सही सामन्यादरम्यान घेऊन येतात. कधीकझी या पोस्टरमधून एखादी विनंतीही केलेली असते.
अशीच घटना आता भारताचा क्रिकेटपटू गौतम गंभीरबरोबर घडली आहे, ज्यावर गंभीनेही मजेशीर उत्तर दिलंय.
खरंतर गौतम गंभीर नेहमीच थोड्या गंभीर मूडमध्ये असतो, त्यामुळे तो हसताना खूप कमी वेळा दिसतो.
अशातच कोलकाता नाईट रायडर्सच्या एका महिला चाहतीने एक पोस्टर हातात घेतलेला घेतलेला फोटो शेअर केला.
या पोस्टरवर लिहिले होते 'जोपर्यंत गंभीर हसणार नाही, तोपर्यंत मी माझ्या क्रशला मागणी घालणार नाही.'
गंभीरने चाहतीचा पोस्टर हातात घेतलेला फोटो आणि त्याचा स्वत:चा हसतानाचा फोटो सोशल मीडियावर शेअर करत लिहिले की 'आता तू मागणी घालू शकते.'
दरम्यान, गंभीरच्या या पोस्टवर मोठ्या प्रमाणात प्रतिक्रिया आल्या आहेत.