आशुतोष मसगौंडे
वकील गुणरत्न सदावर्ते सध्या हिंदी बिग बॉसमध्ये सहभागी झाले आहेत. त्यामुळे त्यांनी पाळलेले गाढव सध्या देशभरात चर्चेत आले आहे.
सदावर्ते त्यांनी पाळलेले गाढव बिग बॉसच्या घरात घेऊन गेल्यामुळे त्यांच्या गाढवाची सध्या देशभरात चर्चा होऊ लागली आहे.
काही दिवसांपूर्वी एका मुलाखतीमध्ये सदावर्ते यांनी सांगितले होते की त्यांना आणि त्यांच्या मुलीला प्राणी, पक्षी पाळण्याची आवड आहे.
सदावर्ते यांनी मुलगी झेनच्या लाडासाठी माळेगावच्या जत्रेतून हे गाढव विकत घेतले आहे.
सदावर्तेंनी असेही सांगितले होते की, गाढवाचे दूध पोटांच्या आजारासाठी चांगले असते म्हणून त्यांनी आणि त्यांच्या मुलीने हे गाढव पाळले आहे.
काही दिवसांपूर्वी सदावर्ते यांच्या पत्नी जयश्री पाटील आणि मुलगी झेन यांचे या गाढवाबरोबरचे अनेक फोटो आणि व्हिडिओज व्हायरल झाले होते.
सध्या सदावर्ते बिग बॉसच्या घरात असून, ते तेथे मोठ मोठे दावे करत आहेत. बिग बॉसच्या घरात येण्यापूर्वी त्यांना कराचीहून धमकी आल्याचे म्हटले होते.
वकीलीसह, राज्याच्या राजकारणा खळबळ माजवणारे गुणरत्न सदावर्ते सध्या बिग बॉसच्या घरात कल्ला करत आहेत. त्यांचा 'हम डाकू के खानदान से हैं' हा डायलॉग सध्या खूप गाजत आहे.