Monika Lonkar –Kumbhar
सध्या अनेक भागांमध्ये पावसाने दमदार हजेरी लावल्यामुळे वातावरणात आर्द्रता निर्माण झाली आहे. त्यामुळे, आरोग्याची अन् केसांची खास काळजी घेणे गरजेचे आहे.
पावसाळ्यातील हेअर केअर रूटीनमध्ये कंडिशनरचा समावेश जरूर करा. केसांना कंडिशनर लावल्याने केस मऊ होण्यास मदत होते.
तुम्ही योग्य पद्धतीने केसांवर कंडिशनरचा वापर केला नाही तर तुमचे केस मोठ्या प्रमाणात गळू शकतात.
अनेक जण केसांना कंडिशनर लावताना ते स्काल्पला (टाळूला) ही लावतात. जर तुम्ही ही चूक करत असाल तर ती दुरूस्त करा.
केसांना कंडिशनर लावताना तुमच्या केसांचा प्रकार काय आहे? ते आधी लक्षात घ्या. तुमचे केस जर तेलकट किंवा कोरडे असतील तर त्यानुसार केसांना सूट होणारे कंडिशनर लावा.
तुमचे केस जितके आहेत, अगदी त्याच हिशोबाने तुम्ही केसांना कंडिशनर लावायला हवे.
चुकूनही केसांना जास्त कंडिशनर लावू नका. जर तुम्ही केसांना जास्त कंडिशनर लावले तर केस निस्तेज आणि खराब होतात.