अनिरुद्ध संकपाळ
मुंबईत झालेल्या टीम इंडियाच्या व्हिक्टरी परेडमध्ये मुख्य आकर्षण हा हार्दिक पांड्याच होता.
रोहित शर्माने देखील हार्दिक पांड्याच्या शेवटच्या षटकाचे वानखेडे स्टेडियमवर तोंडभरून कौतुक केलं.
ज्या वानखेडे स्टेडियमवर काही महिन्यापूर्वीच हार्दिकविरूद्ध हूटिंग झालं होतं त्याच वानखेडे स्टेडियमवर हार्दिक... हार्दिक... नावाचा जयघोष झाला.
मुंबईतील व्हिक्टरी परेडनंतर भारताचा उपकर्णधार हार्दिक पांड्या हा आपल्या घरी पोहचला. यावेळी घरच्यांनी त्यांचे जबरदस्त स्वागत केलं.
हार्दिक पांड्याचे त्याच्या मुलाने अगस्तने चांगलेच स्वागत केले. फुग्यांची स्वागत कमान या जगज्जेत्यासाठी तयार करण्यात आली होती.
हार्दिक पांड्याने देखील वर्ल्डकप विजेत्या संघाला मिळालेले गोल्ड मेडल आपल्या लाडक्या लेकाच्या गळ्यात घातले.
हार्दिकची पत्नी नताशा हार्दिकच्या या स्वागत सोहळ्यात कुठं दिसली नाही. मध्यंतरी या दोघांच्या घटस्फोटाच्या बातम्यांना उत आला होता.