हासन अली अन् विराटची खुन्नस! पण बायको 'फॅनगर्ल'

पाकिस्तानी खेळाडू हासन अली आणि विराट कोहली यांच्यात मैदानावर खुन्नस असते पण हासनची पत्नी आरजू मात्र विराटची फॅन आहे.

सामिया आरजू ही विराटच्या खेळावर फिदा आहे त्यामुळं त्याच्या फॅन्सच्या यादीत आणखी एका 'फॅनगर्ल'चा समावेश झाला आहे.

सामिया अचानक लाईमलाईटमध्ये आली होती जेव्हा तिनं सांगितलं होतं की भारतीय कर्णधार विराट कोहली तिचा फेवरिट बॅट्समन आहे.

सामियाच्या म्हणण्यानुसार, कोहली खरोखरच या काळातला बेस्ट बॅट्समन आहे.

कोरोना महामारीच्या काळात सामियानं आपल्या फॉलोवर्ससोबत संवाद साधण्यासाठी इस्टाग्रामवर प्रश्नोत्तरांचं सेशन सुरु केलं होतं.

या सेशनमध्ये एका फॉलोवरनं तिला प्रश्न विचारला होता की तिचा आवडता बॅट्समन कोण आहे? यावेळी तिनं विराटचं नाव घेतलं होतं.

हासन आणि सामियाचं ऑगस्ट २०१९ मध्ये लग्न झालं. ती दुबईची रहिवासी आहे, पण तिचा जन्म हरयाणात झाला आहे.

दुबईच्या इमिरेट्स एअरलाईनमध्ये सामिया फ्लाईट इंजिनिअर म्हणून काम करते.