सकाळ डिजिटल टीम
सकाळचा नाश्ता उत्तम आरोग्यासाठी खूप महत्त्वाचा आहे, असं मानलं जातं.
नाश्त्यासाठी अंकुरलेला अर्थात मोड आलेला मूग खूप फायदेशीर मानला जातो.
यामध्ये फायबर, अमिनो ॲसिड, अँटिऑक्सिडंट्सचे खूप चांगले स्त्रोत आहेत, जे आपल्या शरीरासाठी खूप महत्वाचे ठरतात.
तुम्ही सकाळी उठून अंकुरलेले मूग खाण्यास सुरुवात करा. हा एक पौष्टिक आणि आरोग्यदायी अन्नपदार्थ आहे. याचे सेवन केल्याने तुमचे शरीर तंदुरुस्त राहते. शिवाय, तुम्हाला अनेक आजारांपासून आराम मिळतो.
अंकुरित मुगामध्ये कॅलरीजचे प्रमाण खूप कमी असते, त्यामुळे ते खाल्ल्याबरोबर पचते. मोड आलेले मूग खाल्ल्याने पोटाची चरबी वाढत नाही आणि उंचीनुसार वजन संतुलित राहते.
ज्यांना पोटदुखीचा त्रास होत असेल, त्यांनी ताबडतोब मोड आलेल्या मुगाचे सेवन सुरू करावे. आरोग्य तज्ज्ञांच्या मते, 'यामध्ये फायबरचे प्रमाण चांगले असते, जे शरीरातील पचनसंस्था निरोगी ठेवण्यास मदत करते.'
अंकुरलेल्या मुगामध्ये प्रथिनांचे प्रमाण जास्त असते. हे स्नायू तयार करण्यास आणि दुरुस्त करण्यास मदत करते. याच्या सेवनाने शरीर मजबूत आणि शक्तिशाली बनते.
मोड आलेल्या मुगात पोटॅशियमचे प्रमाण जास्त असते, जे हृदयाला तंदुरुस्त ठेवण्यास खूप मदत करते. दररोज सकाळी याचे सेवन केल्याने शरीरातील रक्ताभिसरण सुधारते.