सकाळ डिजिटल टीम
आजच्या वाईट जीवनशैलीमुळे हृदयविकाराचा झटका येणे सामान्य झाले आहे. हे इतके अचानक घडते की, दवाखान्यात पोहोचणेही अवघड होऊन बसते आणि कधी-कधी व्यक्तीचा मृत्यूही होतो.
अशा परिस्थितीत हृदयविकाराचा झटका अचानक येतो असे अनेकांना वाटते, पण तसे नाही. हृदयविकाराचा झटका येण्याच्या एक महिना आधी आपले शरीर आपल्याला सिग्नल देण्यास सुरुवात करते.
जर तुम्हाला वारंवार थकवा जाणवत असेल, तर ते हृदयविकाराचे लक्षण असू शकते. नॅशनल हार्ट, ब्लड अँड लंग इन्स्टिट्यूटच्या मते, ही लक्षणे पुरुषांपेक्षा स्त्रियांमध्ये जास्त दिसतात.
भूक न लागणे हे देखील हृदयविकाराच्या झटक्याचे लक्षण असू शकते. यात काही खावेसे वाटत नाही. पूर्वीप्रमाणे बाहेरचे जेवण पाहून तोंडाला पाणी सुटायचे, पण आता भूक न लागल्याने तेही होत नाही.
जर तुम्हाला झोपताना तुमच्या खांद्यावर किंवा जबड्यात दुखत असेल, तर समजून घ्या की तुमच्या हृदयात काही समस्या आहेत. कारण, हृदयविकाराचा झटका थेट डाव्या खांद्यावर आणि जबड्याशी संबंधित आहे.
हृदयविकाराचा झटका येण्यापूर्वी शरीरात अशक्तपणा जाणवू लागतो. याशिवाय घामही येऊ लागतो. याचे कारण म्हणजे शरीरात रक्त नीट पोहोचत नाही. ही लक्षणे दिसल्यास त्याकडे दुर्लक्ष करू नका.
हृदयात कोणतीही समस्या आली की, यकृतातही समस्या निर्माण होऊ लागतात. अन्नाचे पचन नीट होत नाही, त्यामुळे पोटात गॅस आणि जळजळ होते.