हिमाचलमध्ये काँग्रेसचं सरकार संकटात, २४ तासांत काय घडलं?

हिमाचल प्रदेशात काँग्रेसचं सरकार संकटात आलं आहे.

गेल्या चोवीस तासांत घडलेल्या राजकीय घडमोडींमुळं सरकार कोसळणार की काय अशी स्थिती निर्माण झाली आहे.

जाणून घेऊयात गेल्या चोवीस तासांत नेमकं काय घडलंय?

काल मंगळवारी राज्यसभा निवडणूक पार पडली यामध्ये हिमाचलमधून काँग्रेसचे उमेदवार अभिषेक मनु सिंघवी यांचा पराभव झाला.

काँग्रेसकडं विधानसभेत पुरेसं संख्याबळ असतानाही त्यांच्या उमेदवाराचा पराभव झाला.

राज्यसभा निवडणुकीत आमदारांनी क्रॉस वोटिंग केल्यानं अर्थात भाजपच्या उमेदवाराला मतदान केल्यांनं सिंघवी पराभूत झाले.

यानंतर आज सकाळी भाजप नेते आणि विरोधीपक्ष नेत्यांनी भाजपच्या आमदारांसह राज्यपालांची भेट घेतली.

या भेटीत त्यांनी राज्य सरकारविरोधात अविश्वास ठराव आणण्याची विनंती केली.

यामुळं भाजप हिमाचलमध्ये सत्ता स्थापन करण्याच्या हालचाली करत असल्याचं स्पष्ट झालं.

दरम्यान, क्रॉस वोटिंग करणारे काँग्रेस आमदार विक्रमादित्य सिंह यांनी आपला राजीनामा दिला तसेच इतर आमदारांनी आपण उघडपणे भाजपच्या बाजूनं असल्याचं म्हटलं.

आमदारांनी मुख्यमंत्री सुखविंदरसिंह सिख्खू यांच्यावर विश्वास नसल्याचं म्हटल्यानं मुख्यमंत्री सिख्खू यांनी राजीनामा दिल्याची चर्चा सुरु झाली.

यानंतर काँग्रेसचं सरकार वाचवण्यासाठी हायकमांडनं काँग्रेसचे संकटमोचक डीके शिवकुमार यांना हिमाचलकडं पाचारण केलं.