वयानुसार दररोज किती अंडी खावीत? जाणून घ्या...

जेव्हा जेव्हा संतुलित पोषणाचा मुद्दा येतो तेव्हा पहिलं नाव समोर येते ते म्हणजे अंडे. कारण अंडे हे अनेक पोषक तत्वांचा खजिना आहे.

अंड्यामध्ये अनेक पोषक घटक असतात जे हृदय आणि मेंदूचे आरोग्य राखतात तसेच ऑस्टियोपोरोसिसला प्रतिबंध करतात.

बरेच लोक दररोज अंडी खातात, तर अनेक जण नाक मुरडतात. जे खातात त्यांनाही त्याचे फायदे माहित असतात.

उकडलेल्या अंड्यामध्ये 77 कॅलरीज, 0.6 ग्रॅम कार्बोहायड्रेट, 5.3 ग्रॅम फॅट, 212 मिलीग्राम कोलेस्ट्रॉल, 6.3 ग्रॅम प्रोटीन, व्हिटॅमिन ए, व्हिटॅमिन बी2, व्हिटॅमिन बी12, व्हिटॅमिन बी5, फॉस्फरस आणि सेलेनियम असतात.

2016 च्या एका संशोधनानुसार, जर तुम्ही संतुलित आहारात अंड्यांचा समावेश केला तर तुमचे आरोग्य चांगले राहते.

आपल्या सर्वांना माहित आहे की अंडी खूप पौष्टिक असतात परंतु प्रत्येक व्यक्तीने आठवड्यातून किती अंडी खावी हे सर्वांनाच ठाऊक नसते.

आरोग्य तज्ज्ञांच्या मते, 40 वर्षांपेक्षा जास्त वयाच्या लोकांनी आठवड्यातून किमान 7 अंडी खावीत. म्हणजे रोज किमान 1 अंडे.

कोलेस्टेरॉलच्या इतर स्रोतांच्या तुलनेत अंड्यांमध्ये असलेल्या कोलेस्टेरॉलचा शरीरावर कोणताही विपरीत परिणाम होत नाही, म्हणून या वयातील लोक कोणत्याही काळजीशिवाय आठवड्यातून 7 अंडी खाऊ शकतात. म्हणजे रोज 1 अंडे. किंवा आठवड्यातून काही दिवस.

पौष्टिक असूनही, अंड्यांमुळे मुलांमध्ये सूज येणे, अपचन आणि पचनाच्या समस्या उद्भवू शकतात. त्यामुळे हे सर्व पाहूनच त्यांना अंडी द्या. तो दररोज 1 अंडे देखील पचवू शकतो.

कोणता देश फेकतो समुद्रात सर्वाधिक कचरा? आकडेवारी समोर