राहुल शेळके
महाराष्ट्रात विधानसभा निवडणुकीला अवघे काही महिने उरले आहेत. अशात शिंदे सरकारने लाडकी बहीण योजनेच्या धर्तीवर राज्यातील बेरोजगार तरुणांसाठी लाडका भाऊ योजना जाहीर केली.
या योजने अंतर्गत बारावी उत्तीर्ण विद्यार्थ्यांना दरमहा 6 हजार रुपये, पदविकाधारकांना 8 हजार रुपये आणि पदवीधर विद्यार्थ्यांना दरमहा प्रत्येकी 10 हजार रुपये देण्यात येणार आहेत.
माजी मुख्यमंत्री उद्धव ठाकरे यांनी नुकताच बेरोजगारीचा मुद्दा उपस्थित केला होता, त्यानंतर शिंदे सरकारने लाडका भाऊ योजना जाहीर केली आहे.
महाराष्ट्राचे मुख्यमंत्री एकनाथ शिंदे म्हणाले की मुलगा आणि मुलगी असा कोणताही फरक नाही आणि या योजनेमुळे राज्यातील बेरोजगारी कमी होईल.
याशिवाय लाडका भाऊ योजनेंतर्गत तरुणांना कारखान्यांमध्ये प्रशिक्षणार्थीसोबत पैसेही मिळणार आहेत.
अर्जदार हा मूळचा महाराष्ट्राचा असणं आवश्यक
अर्जदाराचे वय 18 ते 35 वर्ष असावं
शैक्षणिक पात्रता किमान 12वी पास, डिप्लोमा, पदवीधर
योजनेसाठी राज्यातील बेरोजगार तरुणच पात्र