व्हायरल आजारांपासून दूर राहायचं असेल तर कोणते घरगुती उपाय कराल? पाहा..

सध्या पावसाळ्याचे दिवस सुरु आहेत. त्यामुळे दूषित पाणी, वारा, पाऊस, थंडीमुळे व्हायरल आजारांचे प्रमाण वाढले आहे.

सर्दी, खोकला, घसादुखी अशा काही आजारांमुळे लोक वैतागली आहेत. दरम्यान, या समस्या दूर करण्यासाठी तुम्ही काही घरगुती उपाय करु शकता.

तुळशीच्या पानांसोबत आलं आणि मधाचे सेवन केल्याने या आजारांपासून दूर राहू शकता.

आलं विषाणूजन्य ताप कमी करण्यास मदत करते. तुम्ही आल्याची पेस्ट मधात टाकून ते मिश्रण खाऊ शकता.

गुळवेलचा तुकडा पाण्यात उकळून ते पाणी पिल्याने रोगप्रतिकार शक्ती वाढते. आणि तापाची समस्या दूर होण्याची शक्यता असते.

काळा चहा आणि आल्याचा चहा व्हायरल फिव्हरमध्ये फायदेशीर आहे. यामुळे शरीरातील हानिकारक विषारी पदार्थ बाहेर टाकले जातात.

संत्र्यामध्ये व्हिटॅमीन सी असते. संत्र्याचा ज्यूस सेवन केल्याने रोगप्रतिकार शक्ती वाढते आणि तापापासून बचाव होतो.

धन्याच्या चहामुळे ताप कमी होतो. यासाठी दोन कप दूध आणि त्यात एक चमचा धने आणि साखर घालून ते उकळून पिऊ शकता.