हिवाळ्यात त्वचेची घ्या योग्य काळजी, 'या' चूका टाळा, अन्यथा...

हिवाळ्याला नुकतीच सुरूवात झाली असली तरी अनेक ठिकाणी कडाक्याची थंडी पडत आहे.

हवामान बदलले की त्याचा आपल्या आरोग्यावर आणि त्वचेवर लगेच परिणाम दिसून येतो, हिवाळ्यामध्ये तर आपल्याला त्वचेची खास काळजी घ्यावी लागते.

या दिवसांमध्ये कोरडी त्वचा असणाऱ्या लोकांची त्वचा तर आणखी कोरडी पडण्याची शक्यता असते. या दिवसांमध्ये आपण त्वचेची योग्य प्रकारे काळजी घेतली तर त्वचेचे आरोग्य चांगले राहण्यास मदत होते.

अनेकदा त्वचेला योग्य पोषण न मिळाल्यामुळे किंवा त्वचेची काळजी न घेतल्यामुळे त्वचेच्या समस्या वाढण्याची शक्यता असते.

बऱ्याचदा चुकीच्या पद्धतीने स्किनकेअर रूटीन फॉलो केल्यामुळे त्वचा आणखी कोरडी पडते.

त्यामुळे त्वचा हायड्रेट ठेवणे हे त्वचेच्या आरोग्यासाठी अतिशय महत्वाचे आहे. जर तुम्ही वेळच्या वेळी त्वचा हायड्रेट नाही ठेवली तर, तुमची त्वचा हळूहळू कोरडी होते.

त्वचा हायड्रेटेड ठेवण्यासाठी आठवड्यातून किमान २ वेळाच चेहऱ्यावर शीट मास्कचा वापर करा.

तसेच तुमच्या स्किनकेअर रूटीनमध्ये फेस ऑईल आणि फेस सीरमचा वापर अवश्य करा. यामुळे, त्वचा हायड्रेटेड राहण्यास मदत होईल.

हिवाळ्यात आपली त्वचा कोरडी होण्यास सुरूवात होते या दिवसांमध्ये तुम्ही चुकून सुद्धा जास्त प्रमाणात चेहऱ्याचे स्क्रबिंग केले तर मग तुमची त्वचा आणखी कोरडी होईल.

थंडीच्या दिवसांमध्ये आठवड्यातून एकदाच चेहऱ्याचे स्क्रबिंग करा. स्क्रबिंग केल्यावर चेहऱ्यावर मॉईश्चरायझर लावायला विसरू नका.