Monika Lonkar –Kumbhar
जवसमध्ये अनेक प्रकारच्या पोषकघटकांचा, व्हिटॅमिन्स अन् मिनरल्सचा समावेश आढळून येतो.
त्यामुळे, जवस आपल्या आरोग्यासाठी अतिशय फायदेशीर ठरते. जवसपासून विविध प्रकारचे खाद्यपदार्थ बनवले जातात.
परंतु, तुम्हाला हे माहित आहे का? की, जवस आरोग्यासोबतच आपल्या त्वचेसाठी अतिशय लाभदायी आहे.
त्वचेचा कोरडेपणा दूर करण्यासाठी तुम्ही जवसाची मदत घेऊ शकता. जवसची पावडर करून त्यात २ चमचे दूध मिसळून हा फेसपॅक चेहऱ्यावर लावा. २० मिनिटांनंतर चेहरा धुवा.
जवसमध्ये ओमेगा-३ फॅटी ॲसिडसारख्या अनेक पोषकतत्त्वांचा समावेश आढळतो. हे पोषकघटक त्वचेला ग्लोईंग बनवण्यासाठी फायदेशीर ठरतात.
जवसाची बारीक पावडर करून घ्या, यामध्ये २ चमचे गुलाबजल मिसळून हा फेसपॅक चेहऱ्यावर लावा. यामुळे पिंपल्सची समस्या दूर होईल.
जवसमध्ये असलेल्या पोषकतत्वांमुळे, त्वचेचे योग्य प्रकारे पोषण होते आणि त्वचा मऊ राहते.