पदार्पणात सर्फराज खानचा धमाका! वडिलांना दिलं श्रेय

इंग्लंडविरुद्धच्या तिसऱ्या कसोटीत सर्फराज खानने धडाकेबाज अर्धशतक झळकावून पदार्पणातच शानदार कामगिरी केली आहे.

धावबाद होण्यापूर्वी सर्फराज खानने ६६ चेंडूत ६२ धावांची खेळी केली. सरफराज खानच्या खेळीत ९ चौकार आणि एक षटकारचा समावेश होता होता.

सर्फराज खानने त्याच्या आजच्या अविस्मरणीय खेळीचे श्रेय वडिलांना दिलं आहे.

सर्फराज खानने वयाच्या ६ व्या वर्षी क्रिकेट खेळायला सुरुवात केली. पहिल्या दिवसाचा खेळ संपल्यानंतर सर्फराज खान म्हणाला की, पदार्पण करताना बरे वाटत आहे. मैदानावर येणं हा एक छान अनुभव होता.

मी वयाच्या ६ व्या वर्षापासून क्रिकेट खेळत आहे. मी भारतासाठी क्रिकेट खेळावे हे माझ्या वडिलांचे प्रेम आणि स्वप्न होते. हे स्वप्न आज पूर्ण झाले आहे. त्यांनी आम्हा दोन्ही भावांवर खूप मेहनत घेतली आहे. हा आमच्या आयुष्यातील सर्वात मोठा क्षण आहे, असेही त्याने सांगितलं.

सर्फराज खानने गेल्या अनेक वर्षांपासून डोमेस्टीक क्रिकेटमध्ये दमदार कामगिरी करत आहे मात्र, बराचकाळ वाट पाहिल्यानंतर त्याला दार्पणाची संधी मिळाली आहे.

सर्फराजला आज कसोटी संघाची कॅप मिळताच तो वडिलांकडे धावत गेला. आपल्या मुलाला भारताकडून खेळताना पाहून सरफराज खानचे वडील नौशाद यांच्या डोळ्यात पाणी आले. एवढेच नाही तर सरफराजच्या वडिलांनी आपल्या मुलाच्या कॅपचे चुंबन देखील घेतले.

सामन्यात रोहित शर्मा बाद झाल्यानंतर सर्फराज खान फलंदाजीसाठी क्रीझवर आला. सरफराज खानने अवघ्या ४७ चेंडूत आपले अर्धशतक पूर्ण केले.

सर्फराज दमदार खेळी करत होता मात्र जडेजासोबत झालेल्या गैरसमजामुळे तो धावबाद झाला.

तो माझा कॉल होता.... सर्फराजच्या रन आऊटनंतर जडेजाची इन्स्टा स्टोरी व्हायरल